|
|
|
|
|
| |
........
25/04/2005 15:15
Ne porroit il mie joïr;
Car le chevalier vit armé
Mout felon et desmesuré,
Et crient qu'assez tost l'ocirroit,
Se devant lui son nain feroit.
Folie n'est pas vasselages.
De tant fist mout Erec que sages:
Rala s'an; qu'il n'i ot plus fet.
"Dame!" fet il, "or est plus let.
Si m'a li nains cuiverz blecié
Que tot m'a le vis depecié.
Ne l'osai ferir ne tochier,
Mes nus nel me doit reprochier;
Que trestoz desarmez estoie.
Le chevalier armé dotoie,
Qui vilains est et outrageus.
Et il nel tenist mie a jeus:
| |
|
|
|
|
|
|
| |
........
25/04/2005 15:14
Arriers vos lo que vos traiiez."
"Fui!" fet Erec, "nains enuiieus!
Trop es fel et contraliieus.
Leisse m'aler !" -- "Vos n'i iroiz !"
"Je si ferai." -- "Vos non feroiz!"
Erec bote le nain an sus.
Li nains fn fel tant que nus plus:
De la corgiee grant colee
Li a parmi le col donee.
le col et la face ot vergiee
Erec del cop de la corgiee.
De chief an chief perent les roies
Que li ont feites les corroies.
Il sot bien que del nain ferir
| |
|
|
|
|
|
|
| |
.......
25/04/2005 15:13
Feri si bele creature.
Biaus amis Erec! alez i
Au chevalier et dites li,
Qu'il vaingne a moi, et nel lest mie.
Conoistre vuel lui et s'amie."
Erec cele part esperone,
Des esperons au cheval done,
Vers le chevalier point tot droit.
Li nains cuiverz venir le voit,
A l'ancontre li est alez.
"Vassaus!", fet il, "arriers estez!
Ça ne sai je, qu'a feire aiiez.
| |
|
|
|
|
|
|
| |
.......
25/04/2005 15:11
La reïne ne set que face;
Quant sa pucele voit bleciee,
Mout est dolante et correciee.
"Ha! Erec, biaus amis!" fet ele,
"Mout me poise de ma pucele,
Que si m'a bleciee cil nains.
Mout est li chevaliers vilains,
Quant il sofri que teus feiture
| |
|
|
|
|
|
|
| |
..........
25/04/2005 15:10
Por ce qu'ele le vit petit.
Et li nains hauce la corgiee,
Quant vers lui la vit aprochiee.
Ferir la vost parmi le vis:
Et cele a son braz devant mis.
Cil recuevre, si l'a ferue
A descovert sor la main nue;
Si la fiert sor la main anverse
Que tote an devint la main perse.
La pucele, quant miauz ne puet,
Vuelle ou non, retorner l'estuet.
Retornee s'an est plorant:
Des iauz li desçandent corant
Les lermes contreval la face.
| |
|
|
|
|
